01
නස්‍ය කර්ම
නස්‍ය කර්මය යනු මුඛය,නාසය,අක්ෂි හෝ හිස ආශ්‍රිතව එනම් බෙල්ලෙන් ඉහළ අවයව වල එක් රැස් වී ඇති අපද්‍රව්‍ය, සෙම් කොටස් ඉවත් කිරීම සඳහා නාසය තුළට යම් යම් ඖෂධ වර්ග තෙල් සමඟ සංයුක්ත කොට ඇතුල් කරමින් සිදු කරන ප්‍රතිකාර ක්‍රමයටය.
02
වමන කර්ම
ළය විරේක ලෙසද හැඳින්වෙන වමන කර්මය යනු මුඛ මාර්ගය හරහා වමනය ඇති කරන ඖෂධ ලබා දීම මගින් ශරීරයේ උරස් කුහරය ආශ්‍රිතව දූෂිත සෙම හා වෙනත් අපද්‍රව්‍ය බැහැර කිරීමයි.
03
විරේචන කර්ම
විරේචන කර්මයේදී සිදුවන්නේ විරේක ගුණ සහිත ඖෂධ මුඛ මාර්ගයෙන් ලබා දී අධෝ මාර්ගයෙන් බැහැර කරවීමයි.
04
වස්ති කර්ම
වස්ති කර්ම යනු ගුද මාර්ගයෙන්,යෝනි මාර්ගයෙන් හෝ මුත්‍ර මාර්ගයෙන් යම් යම් ඖෂධ ශරීරයට ඇතුල් කරමින් ඒ ආශ්‍රිතව ඇති අපද්‍රව්‍ය ඉවත් කිරීමයි.
05
රක්ත මෝක්‍ෂණ කර්ම
මිනිස් ශරීරයේ ඇති අපවිත්‍ර වූ, දූෂිත වූ රුධිරය ශරීරයෙන් බැහැර කිරීම රක්තමෝක්ෂණයේදී
සිදුවන අතර ඒ සඳහා සත්ත්ව අං,ලබුකැට ආදී ක්‍රමවලට වඩා වර්තමානයේ බහුලව භාවිතා වන්නේ කූඩැල්ලන් යොදා සිදුකරන රක්තමෝක්ෂණ ප්‍රතිකාරයයි.
